Pinceladas de Asturias

Cincuenta son les pieces de prosa miscelánea qu’arrecueye esti volume de Pablo Texón, d’escritura áxil y depurada, fresca y singular: fondamente humana, onde realidá y ficción dílense de la que Marcel Proust apaez silenciosu n’El Monte Alende, a la vera la casa los güelos del autor-narrador.

Llibru singular, quien llea ha esfrutar desque entame hasta lo último con una lliteratura d’estremaos escenarios y personaxes, d’igual intensidá, na que rescamplen la ironía y una mirada aliella a la sociedá y a la xente de so, la que ye y la que fo. Una lliteratura que, como diz Pablo Texón, que ye l’autor, «ha obrar el milagru y unir pasáu (señaldá) y futuru (ambición); tien que mostrar la singularidá, les singularidaes y, nun esparabán máxicu, consiguir que la conectemos cola universalidá. Tien que facenos saber que somos puros, pero que nun tamos tan solos. Anque’l día en que nun síamos distintos, únicos, irrepetibles nel dolor, esi día, acabará’l ser humanu».

Cincuenta son las piezas de prosa *miscelánea que recoge este volumen de Pablo Texón, de escritura ágil y depurada, fresca y singular: profundamente humana, donde realidad y ficción se unen en el momento que Marcel Proust aparece silencioso en La Montaña Alende, al lado de la casa los abuelos del autor narrador. Libro singular, quien lea ha de disfrutar desde principio a fin con una literatura de diversos escenarios y personajes, de igual intensidad, en la que la relampaguean ironía y una mirada avispada a la sociedad y a la gente, quien es y quien ha ido. Una literatura que, como dice Pablo Texón que es el autor, «ha obrar el milagro y unir pasado (melancolía) y futuro (ambición); tiene que mostrar singularidad, las singularidades y, en un ademán mágico, conseguir que la conectemos con la universalidad. Tiene que hacernos saber que somos puros, pero que no estamos tan solos. Aunque el día en que no seamos diferentes, únicos, irrepetibles en el dolor, ese día, acabará el ser humano».

Pablo Texón Castañón (Felechosa, Ayer, 1977) ye poeta, narrador, articulista y traductor de reconocíu prestixu nel mundu lliterariu asturianu. Académicu correspondiente de l’Academia de la Llingua Asturiana tien publicaos los poemarios Toles siendes (Premiu «Nené Losada Rico» 2003), La culpa y la lluz (Premiu «Teodoro Cuesta» 2006) y Allumamientu (Premiu «Xuan María Acebal» 2018) y los volúmenes narrativos Catedral (2006) y Singularidá (2011). Nel 2017 recopiló tola so poesía en Media vida. Poemes y cantares. Como traductor dio a imprenta la versión asturiana de Xulia, d’August Strindberg (2007), y ye responsable de la selección y traducción de la poesía de Raymond Carver recoyida n’Un corte de pelo (2013). Collaborador en dellos diarios d’Asturies, ye, amás, lletrista de grupos musicales y cantautores asturianos (Dixebra, Verdasca, Alfredo González, Toli Morilla o Nacho Vegas). Nesti añu 2021 volvió a ganar el Premiu de Poesía «Xuan María Acebal» con Cantar de ti mesma.