Pinceladas de Asturias

facebookgoogle+TwiterYou Tube

Visitas: 87039

Premiu Nacional de Lliteratura Asturiana 2017

Premio literatura_asturiana_2017L’Academia de la Llingua Asturiana (ALLA) entama’l Premiu Nacional de Lliteratura Asturiana pa facer pública reconocencia del llabor normalizador que representa la creación lliteraria nel idioma d’Asturies y el fundamental papel que xueguen los y les escritores en llingua asturiana nel caltenimientu de la cultura del Pueblu Asturianu.

Darréu de lo anterior, l’ALLA fixa les siguientes llendes pa lo so convocatoria:

Primera

El Premiu Nacional de Lliteratura Asturiana, que tendrá calter triañal y cuntará con una dotación económica de 3.000 €, nun podrá xebrase en más d’un autor o autora, nun podrá ser declaráu ermu nin concedese a títulu póstumu.

Segunda

Premiaráse al conxuntu de toa una trayeutoria lliteraria, fecha a lo llargo del tiempu en llingua asturiana.

Tercera

Podrán presentar candidatures al premiu: a) L’Academia de la Llingua Asturiana. b) Les instituciones culturales y llingüístiques asitiaes nel territoriu del dominiu llingüísticu ástur. c) Cualquier de los miembros del xuráu.  

La presentación fairáse al traviés d’escritu empobináu a l’ALLA nel que se conseñarán los méritos lliterarios de los autores propuestos, asina como una amuesa representativa de la so producción escrita (al rodiu de 50 páxines).

Les propuestes y la documentación habrán apurrise enantes del día 1 d’avientu anterior al añu de la convocatoria.

Cuarta

El xuráu del Premiu Nacional de Lliteratura Asturiana formaránlu: a) El Presidente o Presidenta de l’ALLA. b) 3 miembros de númberu de la institución. c) 1 representante de la Conseyería d’Educación y Cultura del Gobiernu d’Asturies. d) 2 personalidaes de reconocíu prestixu del mundu universitariu especialistes en lliteratura asturiana.

La presidencia de l’ALLA fairá tamién el llabor de presidencia del xuráu, mentanto que la representación de la Conseyería d’Educación y Cultura llevará la secretaría del mesmu. La xera deliberadora del xuráu ha ser secreta y del resultáu daráse anuncia a lo cabero del mes de xineru del añu de la convocatoria.

Quinta

El ganador o ganadora recibirán el premiu coincidiendo cola celebración del Día de les Lletres Asturianes. Arriendes de la dotación económica, el premiáu o premiada recibirá un Medayón Distintivu del Premiu. L’ALLA espublizará una pequeña antoloxía representativa de la producción lliteraria del autor.

Forma parte de la “familia” de Pinceladas de Asturias :)

Visita nuestra web

Síguenos en las redes sociales

Envíanos actividades

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.