Pinceladas de Asturias

facebookgoogle+TwiterYou Tube

Visitas: 120287

La Reciella de la Factoría Febreru-Mayu 2019 (Avilés)

la reciellaLa Reciella de la Factoría, actividá qu'organiza la conceyalía de Cultura d'Avilés per aciu de la Estaya de la Llingua pa poder averar y normalizar l'usu de la llingua asturiana d'una manera prestosa a neños y neñes y el públicu familiar, yá tien la so programación preparada pa la primer parte del 2019.

Son cuatro propuestes, con un protagonismu especial pa la música, y qu'incluyen teatru, marionetes y cuentacuentos, nel Espaciu Escénicu de la Factoría Cultural, n'avenida de Portugal, 13, una al mes, dende febreru hasta marzu. 

  • La primer actividá va ser el vienres 1 de febreru, con "Bestiariu (esbilla acústica)", sobre la riestra discos n'asturianu pa neños, neñes y mayores, "Bestiariu". Dos músicos asturianos bien conocíos, Alicia Álvarez, que puxa por esti proyeutu, cantante y guitarrista de Pauline en la Playa, y David Varela, músicu de La Bandina o o El Koku la Manzana, interpreten dalgunos de les temes más representativos d'estos álbumes producíos po La Fabriquina.
  • La siguiente cita sedrá'l vienres día 15 de marzu, con "Nun quiero ser princesa". L'actriz Ana Morán va contando histories de neñes que nun quieren ser princeses, nin vistise de rosa, porque hai munches más coses que-yos presten más, y van descubiles xuntes.
  • El vienres 5 d'abril, axúntense la narración d'Olga Cuervo, fiel a la so cita cola Reciella, la música en direutu de David Varela, y les marionetes, pa que podamos ver "El viaxe d'Irina", un cuentauentos musical basáu na obra de Dominique Vernay. Ye la historia d'una muñeca rusa, la matrioska Irina, que sal del bandullu de les sos compañeres pa entamar el viaxe.
  • Pa terminar, el cumal alagamámoslu'l vienres 24 de mayu un clásicu de la llitertura universal, "Hansel y Gretel", de los hermanos Grimn, cola versión d'una de les compañíes más representatives de la escena asturiana, Higiénico Papel Teatro. Un espectáculu pa tola familia, nel qu'unos primos, rebuscando nel desván de la casa los güelos , atopen unos cuentos vieyos que lleíen de pequeños. el que más-yos prestaba yera "Hansel y Gretel". 

Toles actividaes van ser nel Espaciu Escénicu de la Factoría Cultural, con entrada llibre y de baldre hasta completar aforu. Pa neñes y neños d'énte 3 y 10 años, siempre diendo con una persona adulta y a les 19:00 hores.

La Reciella de la Factoría ye una actividá organizada pola conceyalía de Cultura d'Avilés per aciu de la Estaya de la Llingua  y la Factoría Cultural. Nesti 2019 cumple 6 años dende qu'entamó, col envís de normalizar l'usu de la llingua asturiana na reciella. Prográmase con dos ciclos, esti primeru dende febreru a mayu, y el segundu, dende setiembre a avientu.

Programación de La Reciella de la Factoría Febreru-Mayu 2019

  • Vienres 1 de febreru, 19 hores. "Bestiariu (esbilla acústica)". Conciertu d'Alicia Álvarez y David Varela colos cantares más conocíos de la coleición de discos "Bestiariu", na qu'intérpretes bien conocíos y bandes asturianes ponen música a temes que falen d'animales.
  • Vienres 15 de marzu, 19 hores. "Nun quiero ser princesa", d'Ana Morán. Cuentacuentos nos que les neñes yá nun quieren ser princeses.
  • Vienres 5 d'abril, 19 hores. "El viaxe d'Irina", d'Olga Cuervo y David Varela. Marionetes, música y narración alrredor de la historia d'una matrioska, Irina.
  • Vienres 24 de mayu, 19 hores. "Hansel y Gretel", d'Higiénico Papel Teatro. Adautación pola compañía asturiana del cuentu clasicu de los hermanos Grimm. Premiu Nel Amaro de Teatru 2018 que concede la Conseyería de Cultura del Principáu d'Asturies.

Forma parte de la “familia” de Pinceladas de Asturias :)

Visita nuestra web

Síguenos en las redes sociales

Envíanos actividades

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.